Կրթության, գիտության, մշակույթի և սպորտի նախարար Ժաննա Անդրեասյանը լրագրողների հետ ճեպազրույցում անդրադարձավ դպրոցներից զոհված զինծառայողների նկարները հեռացնելուն։
«Ես պաշտոնապես ևս մեկ անգամ հայտարարում եմ՝ որևէ նման հանձնարարություն, շրջաբերական, հրահանգ և ցուցում չի եղել և խնդրում եմ նաև՝ նման դեպքերի մասին ծնողներն ահազանգեն մեզ, մենք հետամուտ կլինենք, որպեսզի նման խնդիրներ չառաջանան»,-ասաց նա։
Նրա խոսքով՝ այդ դեպքերը կապ չունեն նախարարության և ոլորտում վարվող քաղաքականության հետ։
