Դեկտեմբերի 11-ին ոստիկանության Ապարանի բաժնում հաղորդում է ստացվել, որ Լուսագյուղ տանող ճանապարհից գողացել են չորս արծաթափայլ եղևնի:
Այս մասին հայտնում են ՆԳՆ ոստիկանությունը։
Ձեռնարկված օպերատիվ-հետախուզական միջոցառումների արդյունքում պարզվել է, որ արծաթափայլ եղևնիներն ապօրինի հատել և գողացել էր Ապարանի 60-ամյա բնակիչը: Նա հայտնաբերվել, ձերբակալվել և տարվել է բաժին, որտեղ հայտնել է, որ գողությունը կատարել է ինքը: Հայտնել է նաև, որ արծաթափայլ եղևնիներն իր տանը կից ջերմատանն են:
60-ամյա տղամարդը և կազմված փաստաթղթերը ներկայացվել են Արագածոտնի մարզային քննչական վարչություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
