Նախագահ Սերժ Սարգսյանը հրամանագիր է ստորագրել Հայաստանի Հանրապետության գիտության վաստակավոր գործչի պատվավոր կոչում շնորհելու մասին:
«Ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով և հիմք ընդունելով «Հայաստանի Հանրապետության պատվավոր կոչումների մասին» Հայաստանի Հանրապետության օրենքը` որոշում եմ.
Հայաստանի պետական ճարտարագիտական համալսարանի 80-ամյա հոբելյանի առթիվ, գիտության և կրթության բնագավառներում ունեցած մեծ վաստակի համար Հայաստանի Հանրապետության գիտության վաստակավոր գործչի պատվավոր կոչում շնորհել՝
Վահե Վազգենի ԲՈՒՆԻԱԹՅԱՆԻՆ ՀՊՃՀ միկրոէլեկտրոնիկայի և կենսաբժշկական սարքերի ամբիոնի վարիչ, տեխնիկական գիտությունների դոկտոր, պրոֆեսոր
Հարություն Արտաշեսի ԹԵՐԶՅԱՆԻՆ ՀՊՃՀ էլեկտրական մեքենաների և ապարատների ամբիոնի պրոֆեսոր, ՀՀ ԳԱԱ ակադեմիկոս»,- ասված է հրամանագրում:
