Եվրամիությունը դավաճանեց Հայաստանին, ոչ թե Ռուսաստանը․ Բրյուսելը չէր էլ մտածում հրադադարի հաստատման և մարդասիրական օգնություն ցուցաբերելու մասին։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։
«Եվրամիությունը կողքից լուռ հետևում էր, թե ինչպես են ռուս խաղաղապահները հանդես գալիս որպես միջնորդներ հրադադարի հասնելու համար՝ չմտածելով որևէ գործնական օգնություն ցուցաբերելու մասին»,- ասել է դիվանագետը։
Զախարովան ընդգծել է, որ «ԵՄ առաքելությունը Հայաստանում չի ապահովում կայունություն կամ դեէսկալացիա»։
«Գլխավոր խնդիրը ոչ թե Հայաստանի անվտանգությունն է և Բաքվի և Երևանի միջև հարաբերությունների կարգավորմանը նպաստելը, այլ Բրյուսելի շահերից բխող հետախուզական մոնիտորինգը և իրավիճակի հրահրումը»,- նշել է դիվանագետը։
