Այն դեպքում, երբ բացակայում է դատաբժշկական փորձաքննություն նշանակելու անհրաժեշտությունը, սակայն հիմքեր կան ենթադրելու, որ կասկածյալի, մեղադրյալի, վկայի կամ տուժողի մարմնի վրա կան հանցագործության հետքեր կամ հատուկ նշաններ, քննիչն իրավունք ունի կատարել քննում:
Անհրաժեշտության դեպքում քննումը կատարվում է դատաբժշկության բնագավառի մասնագետի կամ բժշկի մասնակցությամբ:
Պետք է իմանալ, որ քննումը, որը զուգորդվում է քննվող անձին մերկացնելու հետ, կատարվում է միևնույն սեռին պատկանող ընթերակաների ներկայությամբ: Քննիչն իրավունք չունի ներկա գտնվել մյուս սեռին պատկանող անձին քննելիս, եթե քննումը զուգորդվում է այդ անձին մերկացնելու հետ: Այդ դեպքում, քննիչի հանձնարարությամբ, քննումը կատարում է դատաբժշկության բնագավառի մասնագետը կամ բժիշկը:
