Ծանրամարտի Եվրոպայի մեծահասակների առաջնությունն այս տարի անցկացվելու է Հայաստանում՝ Երևանում, Կ. Դեմիրճյանի անվան մարզահամերգային համալիրում ապրիլի 15-23-ը: Կրթության, գիտության, մշակույթի և սպորտի նախարար Ժաննա Անդրեասյանը Ազգային ժողովում ասաց, որ ադրբեջանական կողմը հաստատել է իր մասնակցությունը։
«Մենք ակնկալում ենք մասնակցություն Թուրքիայի հավաքականից, ադրբեջանական կողմն է հաստատել իր մասնակցությունը և ես կարծում եմ՝ առաջնահերթ է, որպեսզի կարողանանք պատշաճ անվտանգություն ապահովել բոլոր պատվիրակությունների մասնակցության համար»,-ասաց նախարարը։
Նա նշեց, որ ադրբեջանցիները անվտանգության առումով որոշ պահանջներ են ներկայացրել։
