Պետական եկամուտների կոմիտեն հանրային քննարկման է ներկայացրել «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին» ՀՀ օրենքի նախագիծ, որի ընդունմամբ վարչական պատասխանատվություն չի կիրառվի պետական բյուջե վճարվող հարկերը, տուրքերը և պարտադիր վճարները սահմանված ժամկետում չվճարելու համար, ինչպես նաև կկարգավորվի ընդհանուր վարութային հարցեր:
Iravaban.net-ը հայտնում է, որ նախագծի հիմնավորման համաձայն՝ Վարչական իրավախախտումների վերաբերյալ օրենսգրքի 170.3–րդ հոդվածով կարգավորվում են պետական և տեղական հարկերը, պետական և տեղական վճարները (բացառությամբ տեղական տուրքի), պետական բյուջե վճարվող օրենքով սահմանված այլ պարտադիր վճարները ժամանակին չվճարելու հետ կապված հարաբերությունները: Մասնավորապես, վերոնշյալ հոդվածի համաձայն` պետական և տեղական հարկերը, պետական և տեղական վճարները (բացառությամբ տեղական տուրքի), պետական բյուջե վճարվող օրենքով սահմանված այլ պարտադիր վճարները սահմանված ժամկետներում չվճարելը` առաջացնում է տուգանքի նշանակում սահմանված նվազագույն աշխատավարձի տասնապատիկից մինչև քսանապատիկի չափով:
Օրենսգրքի 2442 հոդվածի համաձայն` հարկային մարմինները քննում են նույն օրենսգրքի 41.4, 481, 169, 1699, 16910, 16911, 16912, 16913, 16914 հոդվածի 1-ին, 2-րդ և 3-րդ մասերով, 16915, 1702, 1704, 1706, 1707, 1708, 1709, 17012, 170.13-րդ, 182.6-րդ հոդվածով և 189-րդ հոդվածի 1-ին և 2-րդ մասերով նախատեսված վարչական իրավախախտումների վերաբերյալ գործերը, ինչպես նաև սույն օրենսգրքի 169.2-րդ հոդվածով նախատեսված վարչական իրավախախտումների վերաբերյալ գործերը՝ հարկային մարմին ներկայացվող վիճակագրական տեղեկատվության մասով, 1691, 16918, 16926, 16927 հոդվածներով, 1982 հոդվածի երկրորդ և երրորդ մասերով նախատեսված վարչական իրավախախտումների վերաբերյալ գործերը` հարկային իրավախախտումների մասով ու 158 հոդվածի տասներկուերորդ, տասնիններորդ մասերով, 165-րդ, 165.10-րդ հոդվածներով նախատեսված վարչական իրավախախտումների վերաբերյալ գործերը` իրեն վերապահված իրավասությունների շրջանակներում, ինչպես նաև 170.3 հոդվածով նախատեսված պետական հարկերը և պետական վճարները, պետական բյուջե վճարվող օրենքով սահմանված այլ պարտադիր վճարները սահմանված ժամկետներում չվճարելու վերաբերյալ գործերը:
«Հարկ ենք համարում նշել, որ Օրենսգրքի 170․3-րդ հոդվածով սահմանված տուգանքի չափից ելնելով, նշված հոդվածի շրջանակներում ՀՀ պետական բյուջե գանձվող գումարի չափը չի արդարացնում նշված հոդվածով սահմանված տուգանքի գանձման ուղղությամբ հարկային մարմնի կողմից ձեռնարկված գործողությունների ընթացքում ծախսվող մարդկային և ֆինանսական ռեսուրսները։
Հաշվի առնելով վերոգրյալը՝ անհրաժեշտություն է առաջացել նաև Օրենսգրքի 2442 հոդվածից հանել հարկային մարմնի կողմից Օրենսգրքի 170.3 հոդվածով նախատեսված պետական հարկերը և պետական վճարները, պետական բյուջե վճարվող օրենքով սահմանված այլ պարտադիր վճարները սահմանված ժամկետներում չվճարելու վերաբերյալ գործերը քննելու վերաբերյալ դրույթը:
Նկատի ունենալով, որ «Վարչարարության հիմունքների և վարչական վարույթի մասին» ՀՀ օրենքով նախատեսված է վարչական ակտերի բողոքարկման և դրա համար սահմանված ժամկետների բացթողնման պարագայում վարչական ակտերի անբողոքարկելիության, իսկ մինչ այդ վարչական ակտերի կատարման անհնարինության իրավակարգավորումներ, գտնում ենք, որ վերը նշված դրույթները հակասություններ են առաջացնում դրանցից ավելի ուշ ընդունված՝ «Վարչարարության հիմունքների և վարչական վարույթի մասին» ՀՀ օրենքի դրույթների հետ։
Հետևաբար, նախատեսվել է Օրենսգրքի 302-րդ հոդվածի 1-ին նախադասությունում «Վարչական տույժ նշանակելու մասին որոշումը կատարման ենթակա չէ, եթե այն ի կատար չի ածվել կայացման օրվանից երեք ամսվա ընթացքում» բառերը փոխարինվել են «Վարչական տույժ նշանակելու մասին որոշումը կատարման ենթակա չէ, եթե այն ի կատար չի ածվել անբողոքարկելի դառնալուց հետո երեք ամսվա ընթացքում» բառերով»,-ասված է հիմնավորման մեջ։
