Մարտի 23-ին Նաիրիի բաժնի համայնքային ոստիկանները ստացել էին հավաստի տեղեկություն, որ Եղվարդի մի բնակիչ տանը և օժանդակ շինություններում պահում է զենք-զինամթերք և թմրանյութ:
Այս մասին հայտնում են ոստիկանությունից։
Նախաձեռնվել է քրեական վարույթ, որի շրջանակներում, դատարանի որոշմամբ, մարտի 25-ին խուզարկություն է կատարվել եղվարդցի 49-ամյա տղամարդու տանը: Հայտնաբերվել է «Վալտեր» տեսակի ատրճանակ` չորս փամփուշտով, 67 փամփուշտ, և 459 գրամ դեղնականաչավուն զանգված:
Ըստ տանտիրոջ` զենք-զինամթերքը պատկանել է հանգուցյալ հորը, իսկ կանեփն ինքն է քաղել վայրաճ թփերից` իր օգտագործման համար:
Նախաքննությամբ հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
