ՀՀ Զինված ուժերում մահվան ելքով ավարտված քրեական գործերի վերանայման աշխատանքային խումբը (այսուհետ՝ Խումբ) տեղեկացնում է, որ 2013 թվականի օգոստոսի 28-ին կայանալիք նախապես հայտարարված նիստը հետաձգվում է:
Խմբի մասնակից կազմակերպությունները ՀՀ Զինվորական դատախազության հետ կայացած քննարկման արդյունքում համաձայնության են եկել հետևյալ հարցերի շուրջ.
1. Հինգ հասարակական կազմակերպությունների անդամակցությամբ ձևավորված աշխատանքային խումբը մշակելու է Խմբի գործունեության աշխատակարգը` սահմանելով գործերի ժամանակագրությունը, գործերի վերանայման պայմանները, ինչպես նաև չափանիշները և ընթացակարգը: Մշակվելու են նաև Խմբի գործունեության էթիկայի նորմերը, որոնք կներառեն նաև Խմբին անդամակցության և Խմբի գործունեության մեջ անդամակցության դադարեցման սկզբունքները:
2. Կազմակերպությունների կողմից մշակված ընթացակարգն այնուհետև ներկայացվելու է ՀՀ Զինվորական դատախազության հաստատմանը:
Մշակված աշխատակարգի և Խմբի գործունեության հետագա ընթացքի մասին Խումբը կտեղեկացնի լրացուցիչ:
ՀՀ Զինված ուժերում մահվան ելքով քրեական
գործերի վերանայման աշխատանքային խումբ
Հելսինկյան Քաղաքացիական Ասամբլեայի Վանաձորի գրասենյակ
Լրագրողներ հանուն մարդու իրավունքների
Հայկական “Լեգեոն”
Հայաստանի երիտասարդ իրավաբանների ասոցիացիա
Իրավունքների Պաշտպանություն առանց Սահմանների
