Թարմացում 10։25 – Այս պահին Դավիթաշենի կամուրջը դեպի Կոմիտասի պողոտա միակողմանի բացվել է:
Դեկտեմբերի 20-ին, ժամը 07։22-ին Ճգնաժամային կառավարման ազգային կենտրոն ահազանգ է ստացվել, որ Երևանի Դավթաշենի կամրջին տեղի է ունեցել ՃՏՊ. բախվել են ավտոմեքենաներ:
Այս մասին հայտնում են Արտակարգ իրավիճակների նախարարությունից։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Ըստ նախնական տվյալների բախվել է 29 ավտոմեքենա. կա երկու տուժած:
Ավտոճանապարհը երկկողմանի փակ է:
Դեպքի վայրում աշխատում են փրկարար ծառայության և ոստիկանության աշխատակիցները։
