168 ժամ է արդեն մենք արգելափակման մեջ ենք, կյանքը շարունակվում է, մենք գնում ենք առաջ։ Այս մասին այսօր՝ դեկտեմբերի 19-ին, ֆեյսբուքի ուղիղ եթերում ասաց Արցախի պետական նախարար Ռուբեն Վարդանյանը։
«Չեմ ուզում երկար խոսել, երեկ եղել եմ Մարտունիում և շատ ուրախ եմ, որ այդ հանիդպումն անցավ Մարտակերտում՝ նախորդ օրը և այսօր հանդիպում է լինելու Ասկերանում։ Մարտունիի հանդիպումն ինձ մի քանի հետաքրքիր մտքեր տվեց ու եզրակացություններ, որովետև ուզում էի ասել, որ ուրախ էի տեսնել այդքան մարդ»,-նշեց նա՝ մի քանի մանրամասներ ներկայացնելով հանդիպման վերաբերյալ։
Այնուետև կապն ընդհատվեց և Վարդանյանի խոսքը կիսատ մնաց։
«Ուղիղ միացումը ընդհատվեց ինտերնետի անջատման պատճառով։ Կհանդիպենք վաղը»,-ֆեյսբուքյան իր էջում գրեց Արցախի պետական նախարարը։
—————
Հիշեցնենք, որ դեկտեմբերի 12-ին ժամը 10։30-ի սահմաններում, ադրբեջանական կողմը՝ խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախն աշխարհին կապող կյանքի միակ ճանապարհը, ոտնահարելով քաղաքացիական բնակչության կենսական շահերն ու իրավունքները: Նրանք վրաններ են տեղադրել, վառարաններ բերել։
1100 քաղաքացի, որից 270-ը անչափահաս, տուն վերադառնալու հնարավորություն չունի:
Ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի տրանսպորտային կապը մայրաքաղաք Ստեփանակերտի հետ։
