Ուկրաինայի արտաքին գործերի նախարարությունը պնդում է, որ հոկտեմբերի 8-ի երեկոյան Մինսկում Ուկրաինայի դեսպան Իգոր Կիզիմը կանչվել է Բելառուսի ԱԳՆ, որտեղ նրան դիվանագիտական նոտա են հանձնել։
«Նոտայում բելառուսական կողմը պնդում է, որ Ուկրաինան ծրագրում է հարվածներ հասցնել Բելառուսի տարածքին»,- ասվում է Ուկրաինայի ԱԳՆ-ում։
Ուկրաինայի ԱԳՆ-ն հայտնել է, որ բելառուսական կողմի տեղեկությունները չեն համապատասխանում իրականությանը։
«Մենք չենք բացառում, որ դիվանագիտական նոտայի ներկայացումը կարող է լինել սադրանք իրականացնելու և Ուկրաինային հետագա մեղադրանքներ ներկայացնելու Ռուսաստանի Դաշնության ծրագրի մաս», – ասվում է ուկրաինական գերատեսչությունում։
