Թերթերից մեկը սուտ լուր է հրապարակել, թե իբր Սուքիասյանները «Հայփոստը» վերցնում են հավատարմագրային կառավարման։ Այս մասին գրառում է կատարել Ազգային ժողովի «Քաղաքացիական պայմանագիր» կուսակցության պատգամավոր, գործարար Խաչատուր Սուքիասյանի մամուլի խոսնակ Աննա Մկրտչյանը։
«Այդ կեղծ և անբարեխիղճ լուրին կից հրապարակել են նաեւ տնօրենի հավանական թեկնածուի անունը։
Սուքիասյանները պետությունից ոչինչ գնելու նպատակ չունեն։
Սա հերթական չճշտված, կեղծ լուրն է, որի միջոցով մամուլի որոշ ներկայացուցիչներ այլ նպատակ են հետապնդում։
Նմանատիպ կեղծ լուրերի հանդեպ մենք արդեն իմունիտետ ունենք։ Կան տասնյակ դատական գործեր, որոնց վճիռներով անբարեխիղճ և սուտ լուրեր տարածողներն արդեն ներողություն են խնդրել»,-նշել է նա։
