Հենց նոր ընկերության Կենտրոնական կարգավարական (դիսպետչերական) բաժնից տեղեկացրին. ավարտվել է «Արզնի 2-Երևան» մայրուղային ջրատարի վերանորոգումը:
Չնայած կտրտված տեղանքին, արտահոսած ջրից գոյացած լճակի առկայությանը և վթարի բարդությանը, կազմակերպվածության ու բարձր մասնագիտական կարողությունների շնորհիվ ՎեոլիաԹիմը 24 ժամի փոխարեն 7 ժամում շարք մտցրեց ջրատարը:
Արզնիի աղբյուրի ջուրն արդեն հասել է Երևան և առաջիկա ժամերին Արաբկիրում լիարժեք կվերականգնվի ջրամատակարարումը:
