Կառավարության որոշմամբ՝ Սահմանադրական դատարանի դատավորի պաշտոնում առաջադրվել է փաստաբան Սեդա Սաֆարյանը։
Թեկնածուն Կառավարությունում շնորհակալություն հայտնեց հավատի և վստահության համար։
«Կարծում եմ՝ իմ անմիջական մասնակցությունը սահմանադրական արդարադատության իրականացմանը կստացվի, և դուք չեք զղջա ինձ այդ պաշտոնում թեկնածու առաջադրելու համար»,-նշեց Սաֆարյանը։
Վարչապետ Նիկոլ Փաշինյանն էլ ավելացրեց՝ չնայած ԱԺ-ում է ընտրությունը տեղի ունենալու, բայց Սաֆարյանի ընտրվելու վերաբերյալ քաղաքական որոշում կա արդեն։
«Քննարկումներ ենք ունեցել խորհրդարանական մեր գործընկերների հետ, «Քաղաքացիական պայմանագիր» կուսակցության վարչությունում է քննարկվել հարցը և որոշում ընդունվել։ Քաղաքական որոշում է կայացվել, ինչը տրամաբանական է»,-նշեց նա։
