Կառավարությունը հունիսի 17-ի նիստին որոշում ընդունեց Արամ Ալեքսանդրի Թանանյանին ազատել Ռուսաստանի Դաշնությունում Հայաստանի Հանրապետության դեսպանությանը կից մաքսային կցորդի պաշտոնից:
Հիշեցնենք, որ Թանանյան այս պաշտոնին նշանակվել էր 2020 թվականի հունվարի 30-ին։
Արամ Թանանյանը 2018 թվականից զբաղեցրել է Հայաստանի Հանրապետության պետական եկամուտների կոմիտեի նախագահի խորհրդականի պաշտոնը:
- Երկար տարիներ աշխատել է պետական կառավարման համակարգում՝ մասնավորապես զբաղեցրելով ղեկավար պաշտոններ Ազգային անվտանգության խորհրդի աշխատակազմում (2010-2018թթ.),
- Հայաստանի փրկարար ծառայությունում (2004-2010թթ.), ՀՀ արտակարգ իրավիճակների վարչությունում (1997-2004թթ.),
- Ղեկավարել է նաև Մուրմանսկի մարզի Քաղաքացիական պաշտպանության շտաբի ճառագայթային – քիմիական լաբորատորիան (1986-1990թթ.), Կիրգիզական ՍՍՀ Քաղաքացիական պաշտպանության շտաբի Զանգվածային ոչնչացման զենքի կիրառման հետևանքների գնահատման խումբը,
- 2007-2010թթ. Կենսաբանական ահաբեկչության դեմ պայքարի հարցերով ԱՄՆ պաշտպանության դեպարտամենտի հետ ծավալված համագործակցության համակարգող,
- 1997-2010թթ. ՀՀ Ճգնաժամային կառավարման պետական ակադեմիայի խորհրդի նախագահ,
- 1996-2010թթ. Ատոմային էներգիայի միջազգային գործակալության փորձագետ՝ ճառագայթային ահաբեկչության դեմ պայքարի և բնակչության պաշտպանության հարցերով,
- 1994-2010թթ. Քիմիական զենքի արգելման և ոչնչացման կոնվենցիայի փորձագետ,
- 2006թ. ԱՊՀ երկրների բնական և տեխնածին բնույթի արտակարգ իրավիճակների հարցերով միջպետական խորհրդի նախագահ,
- 1997-2010թթ. ԱՊՀ երկրների բնական և տեխնածին բնույթի արտակարգ իրավիճակների հարցերով միջպետական խորհրդում Հայաստանի Հանրապետության լիազոր ներկայացուցիչ»,-նշվել է հիմնավորման մեջ։
