Մահացել է Ժողովրդական արտիստ Ռաֆայել Քոթանջյանը: Այս մասին հայտնում են Հանրային հեռուստաընկերությունից:
Ռաֆայել Արտյոմի Քոթանջյանը 1942 թվականին ծնվել է Թբիլիսիում։ 1946 թվականին տեղափոխվել է Երևան։
1960- 1964 թվականներին սովորել է Երևանի գեղարվեստա-թատերական ինստիտուտի դերասանական ֆակուլտետում։
1964-1966 թվականներին որպես դերասան և ռեժիսոր աշխատել է Զանգեզուրի Շիրվանզադեի անվան թատրոնում։
1966-1968 թվականներին եղել է «Արշալույս» երիտասարդական թատրոնի դերասան։
1968-1970 թվականներին հաճախել է հեռուստատեսային ռեժիսուրայի բարձրագույն կուրսերի Մոսկվայում։
1970-1993 թվականներին աշխատել է Երևանի Հրաչյա Ղափլանյանի անվան դրամատիկական թատրոնում՝ որպես դերասան և ռեժիսոր։
Նկարահանվել է բազմաթիվ տեղական և արտասահմանյան ֆիլմերում՝
- «Քաոս»,
- 1968 – «Ադամանդե ձեռքը» – ռեստորանի այցելու
- 1972 – «Տղամարդիկ» – Լևոն
- 1974 – Մաքսանենգություն – մաքսանենգ «Չեռնյավի»
- 1974 – Բաղդասարը բաժանվում է կնոջից – Օգսեն
- 1986 – «Օտար խաղեր» – «Գոլուբչիկ»
- 1991 – Ձայն բարբառո
- 1992 – Երեք սրտեր
- 1992 – Երեք սրտեր – սենյոր Ալվարես Տորես
- 1992 – Սանշայն Մենորի սպանություն – Ռոբերտ Հաստինգս
- 1993 – Երեք սրտեր 2 – սենյոր Ալվարես Տորես
- 1994 – Զվարճալի ուղևորություն
- 1994 – «Ծովահենների թագավորությունը» և այլն:
2003 թվականին արժանացել է ՀՀ ժողովրդական արտիստի կոչմանը, ՀՀ մշակույթի նախարարության ոսկե մեդալի և ՀՀ Մովսես Խորենացու մեդալի:
