Գերմանիայի ԱԳ նախարար Աննալենա Բերբոքը հայտարարել է, որ Ուկրաինայում ստեղծված իրավիճակի պատճառով աշխարհում կարող է սով սկսվել։
«Ռուսաստանի գործողությունների պատճառով մատակարարումները դադարեցվում են, գնաճն ահագնանում է ոչ միայն մեզ մոտ, այլև ամբողջ աշխարհում, որին դաժան սով է սպառնում»,- ասել է Բերբոքը։
Նրա խոսքով՝ սննդամթերքի արտահանման խոչընդոտները միտումնավոր են ստեղծվում, այդ գործելաոճը «հիբրիդային պատերազմի» մաս է կազմում։
«Ռուսաստանը հիմքեր է ստեղծում, որ նոր ճգնաժամեր առաջանան»,- ասել է Գերմանիայի արտգործնախարարը։
