Վարչապետ Նիկոլ Փաշինյանը մայիսի 13-ին որոշում է ստորագրել, որում ասվում է․

 ««Տեղական ինքնակառավարման մասին» օրենքում լրացում կատարելու մասին» 2022 թվականի ապրիլի 1-ի ՀՕ-71-Ն օրենքի 2-րդ, «Նորմատիվ իրավական ակտերի մասին» օրենքի 17-րդ հոդվածի 3-րդ մասերին համապատասխան`

Արկադի Փելեշյանին նշանակել Հայաստանի Հանրապետության Լոռու մարզի Վանաձոր համայնքի ղեկավարի պաշտոնակատար»:

Ներկայացնում ենք նրա կենսագրությունը։

Ծնվել է 1979թ-ի սեպտեմբերի 18-ին ք․ Կիրովականում։

1986-1996թթ. սովորել է Ա.Պուշկինի անվան թիվ 4 դպրոցում:

1986-1996թթ. սովորել է Վանաձորի պետական համալսարանի բանասիրական ֆակուլտետի ռուսաց լեզու և գրականություն բաժնում:

2000թ․    զբաղվել  է հասարակական գործունեությամբ:

2012թ․   Վանաձոր համայնքի ավագանու անդամ:

2017թ․   Վանաձոր համայնքի ղեկավարի առաջին տեղակալ:

Ամուսնացած է ունի 3 երեխա:

Հիշեցնենք, որ 2021 թվականի դեկտեմբերի 5-ին տեղի են ունեցել Վանաձոր խոշորացված համայնքի ավագանու ընտրություններ: Վանաձոր համայնքի ավագանին բաղկացած է 33 անդամից: Ընտրություններին մասնակցել են 10 քաղաքական ուժ: Սահմանված նվազագույն շեմը հաղթահարել են հինգ քաղաքական ուժ, և մանդատները բաշխվել են հետևյալ համամասնությամբ.

1.  «Մամիկոն Ասլանյան» կուսակցությունների դաշինք՝ 15 մանդատ,
2. «Քաղաքացիական պայմանագիր» կուսակցություն՝ 9 մանդատ,
3. Հայաստանի աշխատավորական սոցիալիստական կուսակցություն՝ 5 մանդատ,
4. «Հայրենիք» կուսակցություն՝ 2 մանդատ,
5. «Ապրելու Երկիր» կուսակցություն՝ 2 մանդատ:

Արդյունքում` «Մամիկոն Ասլանյան» կուսակցությունների դաշինքը, որոշել է ավագանու անդամ այլ ընդդիմադիր քաղաքական ուժերի հետ ձևավորել դաշինք` համայնքի գործադիր իշխանությունն իրացնելու համար:

Նշենք, որ Մամիկոն Ասլանյանը ձերբակալվել և խափանման միջոցը կալանք է ընտրվել 2021թ. դեկտեմբերի 15-ին` ավագանու առաջին նիստից ընդամենը մի քանի օր առաջ: