Ֆրանսիայի հրապարակում մեկնարկել է «Դիմադրություն» շարժման մասնակիցների հանրահավաքը:
Հանրահավաքին ելույթ ունեցավ նաև Աժ փոխխոսնակ Իշխան Սաղաթելյանը:
«Համաշխարհային պատմության մեջ նման ֆանտաստիկ դեպքեր քիչ են լինում: Երբ պատերազմից հետո ծնկի եկած իշխանության պարագայում նման ծանր կորուստներից հետո ազգը ոտքի է կանգնում: Ժողովուրդ, սա բացառիկ դեպք է: Մեկ շաբաթվա ընթացքում մենք կարողացանք մեր ազգին ոտքի հանել: Դա փաստ է և իրականություն»,- ասաց նա:
Դիմելով Նիկոլ Փաշինյանին Իշխան Սաղաթելյանն ասաց, որ նա ոչ միայն Ալիևին է պարտվել, այլև՝ սեփական ժողովրդին: Այն ժողովրդին, ովքեր 4 տարի առաջ այս օրերին իրեն բերեց իշխանության:
«Այդ ժողովուրդը ոտքի է կանգնել և ասում է՝ հեռացիր: Մեր բազմահազարանոց երթը ինձ իրավունք է տալիս այս հրապարակից հայտարարելու. Նիկոլ Փաշինյան կամ դու անցնցում հրաժարական ես տալիս, կամ մենք երկիրը կանգնացնում ենք:
Բանաձևը շատ հստակ է, պետական կառավարման համակարգը պետք է կանգնեցնենք: Իշխանության հեռացնելու միայն մի ճանապարհ գոյություն ունի. պետք է գործնականորեն փաստենք, որ իշխանությունը փողոցում է»,- ասաց ԱԺ փոխխոսնակը:
