Համցանցում շատացել են դեպքերը, երբ կեղծարարները օգտագործում են ծանոթությունների հարթակները կամ սոցիալական ցանցերը մարդկանցից գումար կամ տվյալներ շորթելու համար։ Այս մասին հայտնում է Անձնական տվյալների պաշտպանության գործակալությունը։
«Նման խարդախությամբ զբաղվողները փորձում են շահել մարդկանց վստահությունը, ովքեր նոր ծանոթություններ են փնտրում համացանցում։
Խաբեության նպատակը կարող է լինել
🔹 բանկային տվյալների կորզումը, ինչը հանգեցնում է ֆինանսաան կորուստների
🔹 անձնական տվյալների կորզումը՝ ինքնության գողության ու դրանք այլ ապօրինի նպատակներով օգտագործելու հետևանքներով հանդերձ
🔹 նմանատիպ խարդախությամբ զբաղվոները կարող են նաև ֆիզիկական վնաս հասցնել իրական կյանքում
Նման կեծարարներից խուսափելու համար նախ պետք է հասկանալ՝ ինչպես են նրանք գործում
🔹 Նրանց օգտահաշիվների տվյալերը հիմնականում լինում են կեղծ ու կասկածելի
🔹 Նրանց լուսանկարները չեն համապատասխանում օգտահաշվի ինֆորմացիային
🔹 Նրանք օգտագործում են այլ մարդկանց լուսանկարներ, կամ ապօրինի տիրանում են այլ մարդկանց հաշիվների ու կեղծիքով զբաղվում նրանց անունից
🔹 Շարունակաբար խուսափում են իրական կյանքում հանդիպելուց
🔹 Կապ հաստատելուց հետո կարող են միանգամից խնդրել այլ հարթակում շփվել
🔹 Մերժում են խոսել տեսա կամ աուդիոզանգի միջոցով
🔹 Նրանք շատ հեշտ ու արագ են սկսում մտերմություն ցուցաբերել
🔹 Կարող եք բռնացնել իրենց անձնական կյանքի՝ գործունեության, արտաքին տեսքի մասին ստելիս
🔹 Կարող են գումար խնդրել շտապ պարտքեր մարելու անհրաժեշտության, հիվանդանոցի ծախսերի կամ այլ պատրվակներով
🔹 Կարող են ձեզ ձեր ֆինանսական դրության մասին հարցեր տալ
🔹 Եթե ստացվի աուդիզանգով խոսել՝ կնկատեք տարբերություններ նամակագրությամբ շփումների հետ համեմատելիս
🔹 Կարող են ասել, թե աշխատանքի բերումով միշտ այլ երկրում են լինում, դրա համար չեն կարող իրականում հանդիպել
🔹 Պատմում են անհավանական ու հակասական բաներ իրենց մասին
🔹 Կարող են օգտագործել չկապակցված խոսք ու սխալ քերականություն՝ չնայած նրան, որ կպնդեն՝ ունեն բարձրագույն կրթություն
Այսպիսի կեղծարարների զոհ չդառնալու հիմանկան սկզբունքը՝ երբեք գումար, բանկային ու անձնական տվյալներ մի փոխանցեք մարդկանց, որոնց իրական կյանքում երբեք չեք տեսել։
Օգտագործեք Google-ի նկարների որոնում ֆունկցիան՝ տեսնելու արդյո՞ք ձեզ ներկայացող մարդը իրական նկարներով է հանդես գալիս, թե համցանցից ներբեռնված պատահական նկար է
Ստուգեք՝ արդյո՞ք ունեք վստահելի ընդհանուր ընկերներ համացանցում
Երբեք մի փոխանցեք գումար, բանկային ու անձնական տվյալներ մարդկանց, որոնց չեք տեսել իրականում
Կարող եք խոսել վստահելի մեկի հետ, եթե կասկածներ ունեք ու նրա կարծիքը լսել
Ուշադիր եղեք ձեր անձնական լուսանարները հրապարակելիս կամ նամակագրությամբ ուղարկելիս. ինտիմ լուսանկարները հետագայում կարող են շանտաժի գործիք դառնալ»,-նշվում է հայտարարության մեջ։
