«Արցախպրես» լրատվական գործակալության կայքը ենթարկվել է հաքերային հարձակման։ Այս մասին հայտնում են գործակալության խմբագրակազմից։
«Տարվում են աշխատանքներ կայքի բնականոն աշխատանքը հնարավորինս արագ վերականգնելու ուղղությամբ»,-նշվում է հայտարարության մեջ։
Հիշեցնենք, որ մարտի 11-ին հայտնի դարձավ՝ ԱՀ Ազգային ժողովի ֆեյսբուքյան էջը ենթարկվել է թշնամու հակերային հարձակմանը:
«Էջով տարածվում են Արցախի բնակչության դեմ ուղղված սպառնալիքներ:
Խնդրում ենք չենթարկվել թշնամու սադրանքներին և այդ էջից գրառումներ չտարածել»:
Արցախի ԱԺ-ն նույնպես հայտարարություն է տարածել ու հայտնել․ «Սիրելի հայրենակիցներ, մենք արդեն սովոր ենք մեր հարևանների կեղտոտ սադրանքներին, այնպես որ, այս քայլը ընդունեք որպես դրանցից հերթականը։
Բնականաբար, համապատասխան աշխատանքներ են տարվում էջը վերականգնելու համար»։
