Հետո ինչ, որ Ադրբեջանը կրակում է, մենք մեր ճանապարհից չենք շեղվում․ Վահագն Խաչատուրյան

ՀՀ 5-րդ նախագահ ընտրված Վահագն Խաչատուրյանն այսօր լրագրողների հետ ճեպազրույցում անդրադարձավ ՀՀ իշխանությունների կողմից հայտարարված խաղաղության դարաշրջանին, որի մասին շատ է խոսվում, բայց հակառակորդը կրակում է Արցախի ու Հայաստանի բնակավայրերի ուղղությամբ։

Խաչատուրյանը պնդեց, որ տարածաշրջանում խաղաղություն հաստատելը կարևոր է։

«Հա, հետո ի՞նչ, ոչինչ։ Որևիցե մեկը, այդ թվում՝ Ադրբեջանն իր այդ պահվածքով մեզ չպետք է շեղի այդ ճանապարհից։ Մենք պետք է կարողանանք իսկապես խաղաղություն հաստատել մեր տարածաշրջանում։ Մենք պիտի կարողանանք դա անել, այդ թվում՝ նաև տնտեսական, ռազմական հզորություն պետք է ունենանք, այդ թվում՝ դիվանագիտություն, արտաքին քաղաքականություն վարել։ Իրենք կրակում են, մենք էլ պետք է պաշտպանվենք ու պաշտպանվելով ասենք, որ պաշտպանված ենք և պետք չէ մեզ հետ այդպես խոսել։

Այսօր չեն ընդունի, վաղը կընդունեն»,- նշեց նա։

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել