Փետրվարի 7-ին Քանաքեռ-Զեյթունի բաժնի քրեական հետախույզները, համայնքային ոստիկաններն ու անչափահասների գործերով ծառայողները համատեղ միջոցառմամբ ապօրինի թմրաշրջանառության դեպք բացահայտեցին։ Ժամը 5-ն անց 10-ի սահմաններում Դրոյի և Սևակի փողոցների խաչմերուկում հայտնաբերեցին ու կասկածանքով բերման ենթարկեցին 4 օտարերկրացու՝ իրենց «Մերսեդեսով» հանդերձ։
Բերման ենթարկված 23-ամյա երիտասարդի անձնական խուզարկությամբ հայտնաբերվեց ապակե տարա՝ 4 գրամից ավելի քաշով մարիխուանայի նմանվող զանգվածով։ Իսկ մեքենայի սրահից բերման ենթարկածը ներկայացրեց թղթով փաթեթավորած նմանատիպ զանգված՝ 3 գրամից ավելի քաշով:
Ըստ նրա՝ հայտնաբերվածը թմրամիջոց է:
Նշանակվել են փորձաքննություններ:
Հանգամանքները պարզվում են։
