Ոստիկանության անձնագրային և վիզաների վարչությունը հայցադիմում է ներկայացրել վարչական դատարան ընդդեմ Հնդկաստանի քաղաքացի Գուրդիփ Սինղի՝ վերջինիսի դատական կարգով ՀՀ-ից արտաքսելու պահանջով։ Իրավաբան․net-ը «Դատալեքս» դատական-տեղեկատվական համակարգից տեղեկանում է, որ գործը մակագրվել է դատավոր Ելենա Առաքելյանին, 2021-ի դեկտեմբերի 16-ին նշանակվել է դատաքննություն։
Ոստիկանությունից դատարանին հայտնել են, որ Սինղը առանց օրինական հիմքերի է բնակվում Հայաստանում։
Նշենք, որ «Դատալեքս»-ում նույնաբովանդակ մոտ 30 դատական գործ կա միայն 2021-ի ընթացքում։ Մեծ մասի դեպքում Ոստիկանության անձնագրային և վիզաների վարչության հայցը բավարարվել է։
