ՄԻԵԴ-ում ՀՀ ներկայացուցիչ Եղիշե Կիրակոսյանը թվիթերյան իր միկրոբլոգում անդրադարձել է ՄԱԿ-ի Արդարադատության միջազգային դատարանի հրապարակած որոշմանը․
«Դատարանը բավարարել է Ադրբեջանի դեմ Հայաստանի ներկայացրած գրեթե բոլոր միջանկյալ միջոցները և մերժել է Ադրբեջանի պահանջած միջոցների մեծ մասը։ Հայաստանը ողջունում է դատարանի որոշումը և հուսով է Ադրբեջանի և նրա բարձրաստիճան պաշտոնյաների կողմից այդ որոշման գործնական կիրարկումը ապահովելուն»,-նշված է որոշման մեջ։
Հիշեցնենք, որ այսօր ՄԱԿ-ի Միջազգային դատարանը հրապարակեց Ադրբեջանի դեմ Հայաստանի հայցի վերաբերյալ որոշումը։ Իրավաբան․net-ը ներկայացել է որոշման կարևոր կետերը։
Դատարանը բավարարել է Հայաստանի գրեթե բոլոր պահանջները և որոշել Ադրբեջանին պարտավորեցնել ապահովել հայ ռազմագերիների իրավունքների պաշտպանությունը, անվտանգությունը, կանխել Ադրբեջանի պաշտոնյաների և հանրային մարմինների կողմից հայերի նկատմամբ ռասայական ատելության և խտրականության հրահրումը, կանխել հայկական մշակութային ժառանգության նկատմամբ վանդալիզմը և պղծումը, ձեռնպահ մնալ ցանկացած գործողությունից, որը կարող է սրել կամ երկարացնել քննվող խնդիրները կամ ավելի դժվարացնել դրանց լուծումը:
Դատարանը բավարարել է Ադրբեջանի պահանջների միայն մի փոքր հատվածը և որոշել Հայաստանին պարտավորեցնել՝ կանխել կազմակերպությունների և այլ անձանց կողմից ադրբեջանցիների նկատմամբ ռասայական ատելության և խտրականության հրահրումը, ձեռնպահ մնալ ցանկացած գործողությունից, որը կարող է սրել կամ երկարացնել քննվող խնդիրները կամ ավելի դժվարացնել դրանց լուծումը:
#ICJ granted almost all the provisional measures requested by Armenia against Azerbaijan, and rejected the majority of Azerbaijan’s requested measures. #Armenia welcomes the orders and looks forward to their practical implementation by #Azerbaijan & its high ranking officials pic.twitter.com/i0HpSvdBNt
— Yeghishe K. (@YeghisheK) December 7, 2021
