«Ժողովուրդը տեղում է, ոչ մեկը չի բացակայում, խուճապ առկա չէ, գյուղին վնասներ չեն պատճառվել, կրակոցները սարերի գլխին են եղել, մոտավորապես 30 կմ վերևում է եղել»,- այս մասին Իրավաբան․net-ի հետ զրույցում ասաց Սյունիքի մարզի Իշխանասար գյուղի ղեկավար Մարատ Պետրոսյանը։

Նա նշեց, որ գյուղում առայժմ հանգիստ է․ «Այսօր կրակոցների ձայները լսվել են 1-ից 2-ի կողմերը և ժամը 6-ին արդեն դադարել են»,- ասաց գյուղապետը։

Պաշտպանության նախարարությունը քիչ առաջ հայտարարություն տարածեց, որում ասվում էր․

«Ռուսական կողմի միջնորդությամբ ձեռք բերված պայմանավորվածության համաձայն՝ ժամը 18։30-ից ՀՀ արևելյան սահմանագոտում կրակը դադարեցվել է, իրադրությունը հարաբերականորեն կայունացել է։ Հիշեցնենք, որ նոյեմբերի 16-ին, ժամը 13։00-ի սահմաններում, Ադրբեջանի ԶՈՒ ստորաբաժանումները հարձակում են գործել սահմանի տվյալ ուղղությամբ տեղակայված հայկական դիրքերի վրա։ Հակառակորդը կիրառել է նաև հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։