5-րդ զորամիավորման հրամանատարի տեղակալ, գնդապետ Ս․ Տարախչյանի ղեկավարությամբ հուլիսի 12-ին զորամասերից մեկի պահպանության գոտում զորամասի ղեկավար կազմի հետ անցկացվել են հրետանու կիրառման պլանների ճշգրտման և տեղազննման աշխատանքներ։

Այս մասին տեղեկանում ենք Պաշտպանության նախարարությունից:

Ստուգվել են հրետանային ստորաբաժանումների հրամանատարների մարտական փաստաթղթերը, մշակվել է փոխգործակցության պլանների հաջորդականությունը, ճշգրտվել են մարտական հաշվարկները և հստակեցվել առաջադրված խնդիրները։