Գյումրու 32/41 ընտրատեղամասում ընտրողների ընդհանուր թիվը 1106 է։ Ժամը 18։21-ի դրությամբ ընտրությանն է մասնակցել 313 քաղաքացի։
Մինչ այս պահը ընտրատեղամասում միջադեպ չի արձանագրվել։ Իրավաբան․net-ի լրագրողի հետ զրույցում հանձնաժողովի նախագահ Թագուն Մովսիսյանը նշեց, որ ընտրատեղամասում կուտակումներ էլ չեն եղել։
«Ինչպես տեսնում եք, արդեն երեկոյան ժամը վեցն է, և 1106 ընտրողից մասնակցել է ընդամենը 313-ը»,- ասաց նա։
Ընտրատեղամասում «Հայաստան» դաշինքի վստահված անձ Գայանե Հարությունյանը նշեց, որ վաղ առավոտից մինչ այժմ ընտրատեղամասում է և բավականին պասիվ են ընտրողները։
«Ընդ որում՝ երիտասարդների մասնակցության ցուցանիշը շատ ցածր է, հիմնականում տարեց մարդիկ են գալիս»,- ասաց նա։
