Ավելի վաղ հայտնի էր դարձել, որ «Հրապարակ»-ի լրագրող, «Ֆեյսբուքյան շաբաթ» հաղորդման հեղինակ և վարող Անուշ Դաշտենցի հեռախոսը ԱԺ պատգամավոր Հայկ Սարգսյանը «գողացել» է, նստել մեքենան ու հեռացել։
«Հրապարակ»-ը հայտնում է, որ Անուշը զանգահարել է իշխանական թիմից մեկին, առաջարկել է՝ վերադարձնել հեռախոսը։ Մոտ մեկ ժամ անց տվյալ անձի օգնականը ետ է վերադարձրել հեռախոսը։
ԱԺ պատգամավոր Նաիրա Զոհրաբյանը ֆեյսբուքյան իր էջում գրել էր. «Պատգամավորը թռցրել է լրագրողի հեռախոսը
ՔՊ-ի ունիկալ հատվածի տեսականի Շիշ բռնողը քիչ առաջ պարզապես առեւանգել է «Հրապարակի» լրագրող Անուշ Դաշտենցի հեռախոսն ու «թռել»։
Լրագրողը ընդամենը հարց էր տալիս Մուրատովի մոսկովյան այցի հետ կապված։
Ես, իհարկե, վստահ եմ, որ ոստիկանությունը չի անելու ոչինչ, որովհետեւ Շիշ բռնողն ունի անձեռնմխելիության «դաբլ» ստատուս, բայց ինձ շարունակում է զարմացնել լրագրողների իրավունքների պաշտպանության եւ ընդհանրապես՝ իրավապաշտպան կլուբների տոտալ լռությունը, ովքեր անգամ այն դեպքում, երբ Մոսկվայում ծռվում է, օրինակ, Նավալնու պրիչոսկան, մինչեւ Նավալնու վարսավիրի հասնելը, հայտարարությունախեղդ են անում ազգի տառաճանաչ սեգմենտին»։
