Պրոֆեսորներ Սիներիկ Հայրապետյանը և Գրիգոր Բարսեղյանը բաց նամակով դիմել են վարչապետ Նիկոլ Փաշինյանին։
«Մեծարգո՛ Վարչապետ,
Գիտությանն անհայտ Ձեր չինովնիկների կողմից ստանձնած ՀՀ գիտահամալսարանական համակարգի «բարեփոխումը» տանում է մեր ազգային գիտամշակութային ժառանգության վերջնական ջախջախման:
Ակնհայտ է, որ եթե փաստագրվեր Հայաստանի իրական գիտական ներուժը, ապա այդ չինովնիկները կզրկվեին բարոյական իրավունքից՝ հանդես գալու բնագավառի բարեփոխիչների դերում:
Քանի որ մեր և միջազգային փորձին լավատեղյակ այլ գիտնականների բազմաթիվ առաջարկները լսելի չեն, ստիպված ենք դիմել Ձեզ խնդրանքով՝ կազմակերպելու հեռուստացույցային գիտական քննարկումներ՝ մեր երկրում ևս քաղաքակիրթ երկրին հատուկ գիտահամալսարանական համակարգ ստեղծելու
համար:
Հարգանքներով`
Պրոֆեսորներ՝ Սիներիկ ՀԱՅՐԱՊԵՏՅԱՆ
ԲԿՄՀՈՒԿ-ի Գիտական խորհրդի նախագահ, ՅՈՒՆԵՍԿՕ-ի Բժշկակենսաբանության ամբիոնի վարիչ, ՅՈՒՆԵՍԿՕ-ի բնական գիտությունների ոլորտում Գիտական խորհրդի անդամ, Միջտարածաշրջանային ՅՈՒՆԵՍԿՕ/ՅՈՒՆԻԹՎԻՆ ցանցի ղեկավար
Գրիգոր ԲԱՐՍԵՂՅԱՆ
Հայ մասնագետների խորհրդի նախագահ, գիտությունների դոկտոր, Մարի Կյուրիի անվան միջազգային գիտական մրցանակի դափնեկի»,-նշվում է նամակում։
