ՀՀ վարչապետ Նիկոլ Փաշինյանը մարտի 18-ին հանդիպել է ԱԺ «Բարգավաճ Հայաստան» խմբակցության ղեկավար Գագիկ Ծառուկյանի հետ:
Նշվել է, որ ստեղծված ներքաղաքական իրադրությունից լավագույն ելքը արտահերթ խորհրդարանական ընտրություններն են:
«Հաշվի առնելով նաեւ Հայաստանի Հանրապետության նախագահի, ՀՀ ԱԺ «Իմ քայլը» խմբակցության անդամների եւ ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանի հետ հանդիպումների ընթացքում կայացած քննարկումները՝ վարչապետն առաջարկել է Հայաստանի Հանրապետությունում արտահերթ խորհրդարանական ընտրություններն անցկացնել 2021թ. հունիսի 20-ին»,-նշված է ԱԺ հայտարարության մեջ:
