Երևանի ընդհանուր իրավասության դատարանի Ավանի նստավայրում քննվում էր «ՎԵՏՕ» հասարակական-քաղաքական շարժման ղեկավար Նարեկ Մալյանին ձերբակալելու որոշման դեմ պաշտպանի ներկայացրած բողոքը։
Փաստաբան Տիգրան Աթանեսյանը լրագրողների հետ զրույցում հայտնեց, որ դատարանը ոչ իրավաչափ է ճանաչել Մալյանի ձերբակալությունը։
Նիստը նախագահել է դատավոր Վահե Միսակյանը։
Հիշեցնենք, որ երեկ փողոցից ոստիկանները բերման էին ենթարկել Նարեկ Մալյանին, ըստ քննիչի, բռնության կոչեր հնչեցնելու համար։
