ԵԱՀԿ Մինսկի խմբի համանախագահների գործողությունները համակարգելու շրջանակներում ՌԴ նախագահ Վլադիմիր Պուտինը հեռախոսազրույց է ունեցել Ֆրանսիայի Հանրապետության նախագահ Էմանուել Մակրոնի հետ, որի ընթացքում քննարկել է հունվարի 11-ին Մոսկվայում Ռուսաստանի, Ադրբեջանի և Հայաստանի ղեկավարների առաջիկա եռակողմ հանդիպմանը վերաբերող մի շարք հարցեր, հայտնում են Կրեմի մամուլի ծառայությունից:
«Ֆրանսիայի նախագահը աջակցություն է հայտնել Լեռնային Ղարաբաղի կարգավորման գործընթացին նպաստելու Ռուսաստանի ջանքերին: Շեշտվել է բախումների արդյունքում տուժած բնակչությանը հրատապ մարդասիրական օգնության կարևորությունը, այդ թվում `միջազգային մասնագիտացված կազմակերպությունների միջոցով:
Վլադիմիր Պուտինը և Էմանուել Մակրոնը միմյանց շնորհավորել են Սուրբ Ծննդյան և Ամանորի տոների կապակցությամբ:
Պայմանավորվածություն է ձեռք բերվել շարունակել շփումները տարբեր մակարդակներում»,-նշվում է հայտարարության մեջ:
