Օրեր առաջ առաջնագծում զոհված ժամկետային զինծառայող Դավիթ Պողոսյանի քույրը, Էլինա Պողոսյանը Իրավաբան․net-ին հայտնել է, որ այսօր Եռաբլուրում տհաճ միջադեպ է տեղի ունեցել, երբ նրանք այցելել էին իրենց զոհված զինծառայողի շիրիմին։
«Մինչդեռ մենք գնացել էինք իմ հերոս Դավոյի մոտ, մեքենայի պատուհանը կոտրել են և գողացել են մամայիս պայուսակից անձնական իրերը՝ հեռախոսը և դրամապանակը։ Տանողը խիղճ ունի՞։ Բոլորը գիտեն, որ այս օրերին չեն գնում Եռաբլուր ուրախության համար, գնում են ծանր վշտով։ Հերոսը զոհվել է, որ մենք խաղաղ քնենք, իսկ ոմանք․․․»,-նշել է նա։
Էլինան խնդրում է վերադարձնել հեռախոսը, քանի որ դրանում Դավիթի նկարներն եմ, միակ հիշատակը, որը մնացել է։ Վարորդական իրավունքը և գումար կարող են իրենց պահել․ «Միգուցե գողացողի խիղճը արթնանա և վերադարձնի իմ հերոսի նկարները»։
Տեղեկություն ունեցողները կարող են կապվել Իրավաբան․net-ի խմբագրության հետ։
Էլ․հասցե [email protected]
FB էջին կարող եք նամակ գրել այս հղմամբ։
