Սյունքի մարզի ընդհանուր իրավասության դատարանը քննության է  առել քրեական գործն ըստ մեղադրանքի Արսեն Մ.-ի (անունը փոխված է):

  Վերջինիս  մեղադրանք է  առաջադրվել  այն բանի համար, որ հանդիսանալով ՊԲ  թիվ X զորամասի 3-րդ գումարտակի 8-րդ վաշտի 2-րդ դասակի 2-րդ ջոկի գնդացրորդ, ժամկետային զինծառայող, 2011թ. հունիսի 17-ից մինչև հուլիսի 29-ն ընկած ժամանակահատվածում խախտելով զինծառայողների փոխհարաբերությունների կանոնագրքային կանոնները՝ պարբերաբար վիճաբանել և ապտակել է նույն ջոկի ժամկետային զինծառայող` Է.Ալավերդյանի հետ՝ ապառնալով, որ զորամասում այլ զինծառայողների մոտ Ալավերդյանի մասին արատավորող տեղեկություններ կհայտնի, բռնության գործադրման սպառնալիքով պահանջել է մարտական հերթապահությունից հետո զորամասում իրեն տալ 50000 ՀՀ դրամ գումար, որի հետևանքով Է. Ալավերդյանը, գտնվելով խիստ ընկճված հոգեվիճակում, 2011թ. հուլիսի 29-ին՝ ժամը 06.45-ի սահմաններում, ՊԲ X  զորամասի թիվ 121 մարտական դիրքում ինքնասպանություն է գործել. իրեն ամրակցված ինքնաձիգով կրակել է կզակային շրջանին և հրազենային գնդակային միջանցիկ վնասվածք ստանալով՝ մահացել է:

  Մեղադրյալի  նկատմամբ  խափանման միջոց  է  ընտրվել  կալանավորումը:

 Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Աղբյուրը` Իրավաբան.net