Ռուսաստանի Դաշնության վարչապետ Միխայիլ Միշուստինը հեռախոսազրույց է ունեցել Ադրբեջանի վարչապետ Ալի Ասադովի հետ, կողմերը շեշտել են Անդրկովկասում խաղաղության և անվտանգության ապահովման անհրաժեշտությունը, հաղորդում է ՌԴ Նախարարների կաբինետի մամուլի ծառայությունը:
«Միխայիլ Միշուստինը հեռախոսազրույց է ունեցել ԱՀ վարչապետ Ալի Ասադովի հետ: Կառավարությունների ղեկավարները քննարկել են ռուս-ադրբեջանական առևտրի, տնտեսական և հումանիտար համագործակցության արդիական հարցեր, մտքեր են փոխանակել տարբեր ոլորտներում խոշոր համատեղ նախագծերի իրականացման վերաբերյալ», – նշվում է հաղորդագրության մեջ:
«Միխայիլ Միշուստինը նշել է ԼՂ հակամարտության գոտում իրավիճակի շուտափույթ կայունացման կարևորությունը, ռազմական գործողությունների դադարեցումը և իրավիճակի քաղաքական-դիվանագիտական կարգավորման բանակցային գործընթացի վերսկսումը», – ասվում է հաղորդագրության մեջ:
