ՀՀ Կառավարության որոշմամբ՝ Էդվարդ Հովհաննիսյանը նշանակվել է պետական եկամուտների կոմիտեի նախագահի պաշտոնում:

«Ղեկավարվելով «Հանրային ծառայության մասին» օրենքի 9-րդ հոդվածի 2-րդ մասով՝ Հայաստանի Հանրապետության կառավարությունը որոշում է.
1. Էդվարդ Հովհաննիսյանին նշանակել Պետական եկամուտների կոմիտեի նախագահ»,- ասված է որոշման մեջ:

Հիշեցնենք, որ այսօր ՀՀ Կառավարության որոշմամբ Դավիթ Անանյանն ազատվել էր ՊԵԿ նախագահի պաշտոնից:

Հովհաննիսյանը ավելի վաղ ազատվել է ՊԵԿ փոխնախագահի պաշտոնից։

Իրավաբան․net-ը ներկայացնում է Էդվարդ Հովհաննիսյանի կենսագրությունը։

Կրթություն

1990-2000թթ. – Հրաչյա Քոչարի անվան միջնակարգ դպրոց, Արմավիրի վարժարան
2000-2004թթ. – ԵՊՀ իրավագիտության ֆակուլտետ` բակալավրի աստիճան
2004-2006թթ. – ԵՊՀ իրավագիտության ֆակուլտետ ` մագիստրոսի աստիճան
Աշխատանքային գործունեություն
2009-2010թթ. – ՀՀ ԿԱ ՊԵԿ Արմավիրի ՏՀՏ իրավաբանական վարչության առաջատար մասնագետ
2010-2013թթ. – ՊԵԿ հետաքննության վարչության հետաքննիչ
2013-2014թթ. – ՊԵԿ հետաքննության վարչության հատուկ հանձնարարությունների բաժնում ավագ հարկային տեսուչ

2014թ. – ՊԵԿ քննչական վարչության 1-ին բաժնի քննիչ
2017թ. – ՊԵԿ քննչական վարչության 1-ին բաժնի ՀԿԳ քննիչ
2017թ. – ՊԵԿ քննչական վարչության 2-րդ բաժնի ՀԿԳ քննիչ բաժնի պետի տեղակալ
2018թ. – հունիսից ՊԵԿ քննչական վարչության պետ
2019 թվականի փետրվարի 14-ից ՀՀ ՊԵԿ Հետաքննության և օպերատիվ հետախուզության վարչության պետ
2019 թվականի հուլիսի 1-ից ՀՀ ՊԵԿ նախագահի տեղակալ
Այլ տվյալներ
2012թ.-Փաստաբանների որոկավորման քննության մասնակից` ստացել է փաստաբանի արտոնագիր
ՈՒնի ՀՀ հարկային ծառայության գնդապետի հատուկ կոչում

Անձնական տվյալներ
Ամուսնացած է, ունի երկու երեխա: