Ապրիլի 12-ին ոստիկանություն զանգած քաղաքացին հայտնեց, որ նույն օրը, ժամը 13-ից 13.30-ն ընկած ժամանակահատվածում, Շահումյանի գերեզմանատան տարածքում կայանած իր մեքենայի ապակին կոտրել և սրահից հափշտակել են պայուսակ, որի մեջ եղել էին բջջային հեռախոս, փող ու փաստաթղթեր։
Այս մասին տեղեկացնում են ոստիկանությունից։
Ոստիկանության Մաշտոցի բաժնի ծառայողների իրականացրած օպերատիվ-հետախուզական միջոցառումների շնորհիվ կարճ ժամանակում պարզվեց կասկածյալի ինքնությունը։
Ոստիկանների բացատրական աշխատանքի շնորհիվ մայրաքաղաքի 41-ամյա բնակիչը ներկայացավ ոստիկանություն և տվեց խոստովանական բացատրություն։
Դեպքի հանգամանքները պարզվում են։ Գողոնը հայտնաբերելու ուղղությամբ միջոցառումները շարունակվում են։
Նախապատրաստվում են նյութեր։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
