«Հայփոստ» ընկերությունը տեղեկացնում է, որ արտակարգ դրության պայմաններում նշանակման երկրներում միջազգային փոստային առաքանիների (նամակագրական թղթակցություն, փոստային ծանրոցներ և արագընթաց փոստային ծառայություն) մշակման և առաքման գործընթացներում կգրանցվեն ուշացումներ:
«Միաժամանակ, COVID19-ի տարածման ռիսկերը նվազեցնելու նպատակով մարդկային շփումից հնարավորինս խուսափելու համար առաքանու հանձնման ժամանակ ստացողի ստորագրությանը կփոխարինի փոստատարի ստորագրությունը:
Հարցերի դեպքում կարող եք զանգահարել (010) 514 514
Պատճառված անհարմարությունների համար հայցում ենք Ձեր ներողամտությունը»,-ասված է հայտարարության մեջ:
