Հունվարի 10-ին ոստիկանության Տարոնի բաժնում հաղորդում էր ստացվել, որ անհայտ անձը մի կնոջ պարանոցից բացահայտ հափշտակել էր ոսկյա զարդեր:
Այս մասին տեղեկացնում են ոստիկանությունից։
Դեպքի առթիվ հարուցված քրեական գործով ձեռնարկված օպերատիվ-հետախուզական միջոցառումների և քննչական գործողությունների արդյունքում, կողոպուտը կատարելու կասկածանքով, ապրիլի 24-ին, ժամը 17.05-ին, ոստիկանության Տարոնի բաժին բերման է ենթարկվել երևանցի 17-ամյա մի պատանի։ Նա ներկայացվել է նախաքննական մարմնին և տվել ինքնախոստովանական ցուցմունք։
Պարզվել է որ, հափշտակված ոսկյա խաչն ու կախազարդը պատանին 80.000 դրամով վաճառել է Երևանում՝ անծանոթ անձի:
Ձեռնարկվում են միջոցառումներ` ոսկյա զարդերը հայտնաբերելու ուղղությամբ:
Նախաքննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
