Ապրիլի 21-ին, ժամը 13-ի սահմաններում, ոստիկանության Տարոնի բաժնում օպերատիվ կառավարման կենտրոնից հաղորդում ստացվեց, որ Վանաձորի «Արցախ» պուրակում գողացել են մի տղամարդու պայուսակը:
Օպերատիվ խումբը դեպքի վայր մեկնեց: Պարզվեց` ժամը 13-ի սահմաններում, Տիգրան Մեծի փողոցին հարակից «Արցախ» պուրակի հենապատի վրայից գողացել են մի տղամարդու ձեռքի պայուսակը, որի մեջ եղել է նեթբուք:
Քրեական հետախույզների արագ և օպերատիվ աշխատանքի արդյունքում տեղեկություններ ստացվեցին, որ գողությունը կատարել է Վանաձորի Վարդանանց փողոցի 51-ամյա մի բնակիչ:
Նույն օրը, ժամը 15.30-ի սահմաններում, կասկածվողը բերման ենթարկվեց ոստիկանության Տարոնի բաժին:
Նա տվել է խոստովանական բացատրություն: Հանգամանքները պարզվում են:
Գողոնը հայտնաբերվել է:
Փաստի առթիվ նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
