Առողջապահության նախարար Արսեն Թորոսյանը հայտարարություն է տարածել, որում ասվում է․
«Վերլուծելով վերջին 1 շաբաթվա կորոնավիրուսային վարակով նոր դեպքերի թիվը, կարող ենք արձանագրել, որ ունենք աճի կայուն տեմպ, որը տատանվում է օրական 3-4% սահմաններում:
Ունենք նաև բուժման մեջ գտնվողների մոտավորապես նույն թիվը, որը տատաննվում է 700-800 սահմաններում:
Վերոշարադրյալը նշանակում է, որ մենք բոլորս պետք է հավելյալ ջանքեր գործադրենք աճի տեմպը թուլացնելու ուղղությամբ և «իրավունք չունենք» զգոնությունը կորցնելու և թուլանալու:
Հատկապես անհանգստացնող են վերջին օրերի դեպքերը բուժաշխատողների շրջանում թե’ մարզային, թե’ Երևանի բուժհաստատություններում: Բուժաշխատողների կողմից անհատական պաշտպանիչ միջոցների օգտագործումը բազմապատիկ ավելի կարևոր է, քան մեր այլ քաղաքացիների կողմից: Նրանք պետք է պաշտպանեն իրենց, որպեսզի առաջինը իրենք չհանդիսանան վարակի աղբյուր իրենց պացիենտների համար և երկրորդը, որպեսզի կարողանան շարունակել իրենց կարևոր առաքելությունը` բուժօգնություն մատուցելու բազմաթիվ քաղաքացիների»:
![На изображении может находиться: текст](https://scontent.fevn6-2.fna.fbcdn.net/v/t1.0-9/s960x960/93847322_1204722946380635_8907619630529380352_o.jpg?_nc_cat=101&_nc_sid=8024bb&_nc_ohc=lQYghKLNZwIAX81ldSV&_nc_ht=scontent.fevn6-2.fna&_nc_tp=7&oh=3d0ac7ab93b320855cdb386175b5c012&oe=5EC48C6C)
![На изображении может находиться: текст](https://scontent.fevn6-2.fna.fbcdn.net/v/t1.0-9/93780589_1204725823047014_5577420800891289600_o.png?_nc_cat=111&_nc_sid=8024bb&_nc_ohc=EXWHP-42csYAX-zkkas&_nc_ht=scontent.fevn6-2.fna&oh=cec19aa47eb84f059d527fa5085d5098&oe=5EC40E5C)