Գեղարքունիքի մարզպետ Գնել Սանոսյանը հայտարարություն է տարածել, որում ասովում է․

«Գեղամասար համայնքի Նորաբակ բնակավայրի միջնակարգ դպրոցի շենքն արդեն պետական միջոցների հատկացման շնորհիվ ունի նորակառույց տանիք: Դպրոցի տանիքը հրդեհվել էր նախորդ տարվա նոյեմբերի 27-ի գիշերվա ընթացքում:

Չնայած փրկարարների գործադրած ջանքներին՝ տանիքն այրվել էր գրեթե ամբողջությամբ՝ շուրջ 570 քառակուսի մետր մակերեսով: Անմիջապես դեպքի վայր էի ժամանել եւ անհրաժեշտ միջոցառումներ ձեռնարկելու համար դիմել ՀՀ կառավարություն:

ՀՀ կառավարության կողմից տանիքի վերականգման համար հատկացվեց 13, 5 միլիոն դրամ, իսկ շինարարը մրցույթը շահեց 10 միլիոն 750 հազար դրամով: Շինարարական աշխատանքները մեկնարկեցին այս տարվա մարտին եւ պետք է ավարտվեն մայիսին՝ երկամսյա ժամկետում:

Ապրիլի 13 -ի դրությամբ արդեն ամբողջովին տեղադրված է փայտյա ծածկը և թիթեղյա տանիքը, տեղադրված են 12 ջրհորդաններ, մետաղյա եզրային ճաղավանդակներ: Շինարարներին մնացել է հակահրդեհային և հականեխիչ նյութերով մշակել տանիքի ծածկի փայտյա մասը։ Հրդեհից առաջ ևս մենք ունեինք շենքի տանիքի ոչ բարվոք պատկեր: Դեռ խորհրդային տարիներից ժառանգած շիֆերյա ծածկով տանիքից կաթոցներ կային բազմաթիվ տեղերից»։