Առողջապահության կազմակերպիչ, Երևանի կարանտինային վայրերի ղեկավար Նարեկ Վանեսյանը հայտնում է, որ ապրիլի 10-ի ուշ երեկոյան քննարկում են կազմակերպել։
«Կեսգիշերային քննարկում ունեինք Երևանի կարանտինի գրասենյակում՝ Երևանում տեղակայված բոլոր մեկուսարանների կառավարիչների մասնակցությամբ: Կառավարիչները զեկուցել են կատարված ընթացիկ աշխատանքների մասին, կատարվել են լրացուցիչ հրահանգավորումներ և ներկայացվել ՀՀ առողջապահության նախարարի հերթական հանձնարարականներն ու քննարկվել ընդհանուր այլ հարցեր:
Հ․Գ. Գրասենյակ մտնելուց առաջ բոլորը մանրակրիտ ախտահանվել են և սենյակը թե սկզբից, և թե հանդիպման ավարտից հետո սահմանված կարգով ախտահանվել է»,-նշում է նա։
