Արարատի մարզպետարանը հաշվետվություն է ներկայացրել Արարատի մարզում ստացված նվիրատվությունների վերաբերյալ։
«2020թ․ մարտի 16-ից մինչ օրս Արարատի մարզի համայնքներում սոցիալական տարբեր խմբերին (պարենային և ոչ պարենային ապրանքներ) կազմակերպությունների, տարբեր քաղաքացիների կողմից տրամադրվել է օգնություն։
Այսպիսով՝
«Առաքելություն Հայաստան» հասարակական բարեգործական կազմակերպության կողմից Արարատ քաղաքի սոցիալապես խոցելի 13 ընտանիքների տրամադրվել է ալյուր, հավի ձու, նրբերշիկ, բրինձ, հնդկաձավար, մակարոն, շաքարավազ, ոսպ, բուսական յուղ, խտացրած կաթ, մսի պահածո, կարտոֆիլ, սոխ։ Ֆինանսավորումը կատարվել է ՀՀ աշխատանքի և սոցիալական հարցերի նախարարության և «Բաց հասարակություն» հիմնադրամի կողմից։
Գործարար Արայիկ Գրիգորյանի կողմից Արարատ քաղաքի նպաստառու 197 ընտանիքների բաժանվել է ընդհանուր 197 լիտր սպիրտ՝ կորոնավիրուսի դեմ պայքարի նպատակով։
«Առաքելություն Հայաստան» բարեգործական ՀԲԿ-ի Արտաշատի համայնքային կենտրոնը Արտաշատի համայնքապետարանի հետ համագործակցությամբ, Աշխատանքի և սոցիալական հարցերի նախարարության և «Բաց հասարակություն» հիմանդրամի ֆինանսավորմամբ սննդի փաթեթներ է տրամադրել արտաշատցի 111 շահառուների: Փաթեթներում եղել են ալյուր, շաքարավազ, կարտոֆիլ, սոխ, մսի պահածո, նրբերշիկ, խտացրած կաթ, մակարոն, ոսպ, բրինձ և այլն։ Փաթեթները բաժանվել են համայնքապետարանի տրամադրած տրանսպորտային միջոցով՝ իրենց մոտ հաշվառված կամավորների օգնությամբ:
Մասիսի քաղաքապետարանը մասիսցի Վարդան Ցոլակյանի կողմից օգնության կարգով ստացել է կարագ, ալյուր, յուղ, կաթ, հյութ, եգիպտացորեն, ոլոռ, տոմատ, ձեթ, աղ, թուղթ, անձեռոցիկ, թաց անձեռոցիկ, ալկոգել, խմորիչ, բրինձ, կլոր բրինձ, սիսեռ, մակարոն, մսի պահածո, վարունգ։ Փաթեթները բաժանվել է 70 շահառուի, մնում է բաժանել 30 անձի»։
![На изображении может находиться: один или несколько человек, люди сидят и в помещении](https://scontent.fevn6-2.fna.fbcdn.net/v/t1.0-9/92057060_1292823814262249_4018487430679101440_o.jpg?_nc_cat=102&_nc_sid=8024bb&_nc_ohc=qvzuEJHgqKoAX_XKVHz&_nc_ht=scontent.fevn6-2.fna&oh=fe612dfa9343398ea8a99986faebf83f&oe=5EA97618)
![На изображении может находиться: один или несколько человек](https://scontent.fevn6-1.fna.fbcdn.net/v/t1.0-9/91774033_1292823927595571_4166358610604982272_n.jpg?_nc_cat=104&_nc_sid=8024bb&_nc_ohc=j2dnzLfW188AX_R-J_w&_nc_ht=scontent.fevn6-1.fna&oh=e9525cd2a78bbcc9338b32c725b3028a&oe=5EAB0636)