Փոխվարչապետ Տիգրան Ավինյանը ֆեյսբուքյան ուղիղ եթերի ընթացքում անդրադարձավ կորոնավիրուսի կանխարգելման ընթացքիկ աշխատանքներին։
Նա տեղեկացրել է, որ Էջմիածնում արգելված են բազմամարդ հավաքները, իսկ Առողջապահության նախարարությունը շուտով ձեռք է բերելու արագ-թեստեր, որոնց արդյունքը երևում է 15 րոպեի ընթացքում:
«Պետական գերատեսչություններին հանձնարարվել է 60 և ավելի տարիք ունեցող աշխատողների խմբերին ուղարկել հեռահար աշխատանքի։ Վաղը այդ ծրագրի մեջ կլինեն նաև բազմազավակ մայրերը և հղի կանայք»։
Փոխվարչապետը անդրադարձավ նաև այսօր Հռոմից-Երևան ժամանող քաղաքացիներին նշելով, որ նրանք անմիջապես կմեկուսացվեն և կենթարկվեն 14 օրյա կարանտինի։
https://www.facebook.com/tigran.avinyan/videos/197926471480170/
