Էջմիածնի քաղաքապետ Դիանա Գասպարյանը մեկնաբանել է համացանցում տարածվող այն տեղեկությունը, թե ինքն այս պահն մեկուսացված է, նրա մոտ կորոնավիրուս է ախտորոշվել և կառավարությունն էլ մտածում է փակել Էջմիածնի ելքն ու մուտքը:
«Ժողովուրդ, պարապ ե՞ք:
Ես չգիտեմ՝ ով է այս երիտասարդը, բայց անլուրջ է նման հայտարարություններ անելը, հատկապես, երբ այդքան խնդրում ու հորդորում ենք ապատեղեկատվություն չտարածել:
Ի հեճուկս այս անհեթեթ լուրի՝ ես ինձ շատ լավ եմ զգում, և ինձ մոտ կորոնավիրուս չի ախտորոշվել: Առողջ եղեք»,-նշել է նա:
