Պուշկինի 1/19 հասցեում գտնվող «Վիտաֆարմ» դեղատնից գնված Sanitelle անտիսեպտիկները ժամկետանց են։
Իրավաբան.net-ի թղթակիցը գնելով երկու տարրա՝ 1 լիտր տարողությամբ, նկատել է, որ տարրայի վրա՝ ժամկետի հատվածում, նոր պիտակ է ավելացվել ժամկետի նոր ամսաթվով՝ 16․12․19, պիտակի տակ, տուփի վրա նշված է՝ 16․12․13 ։
Տարրայի վրա մակնշված է, որ դրա արտադրման ժամկետը նշվում է տուփի վրա, պիտանելիության ժամկետը 3 տարի է։ Եթե անգամ հաշվարկը սկսենք այնպես, որ անտիսեպտիկ նյութը արտադրվել է 2016 թվականի դեկտեմբերի 13-ին, միևնույն է այն ժամկետանց է։
Հավելենք, որ դրանց յուրաքանչյուրի արժեքը 3500 դրամ է։
Առողջապահության նախարարության, Տնտեսական մրցակցության պաշտպանության պետական հանձնաժողովի և Շուկայի վերահսկողության տեսչական մարմնի ուշադրությունն ենք հրավիրում այս խնդրի վրա։
Փաստերը՝ լուսանկարներում․
