Ազգային ժողովի պատգամավոր Ռուստամ Բաքոյանը առաջարկում է աշխատանքային օրենսգրքում լրացում կատարել:
Նախագծով նախատեսվում է, որ աշխատողի պահանջով չվճարվող արձակուրդ կտրամադրվի
1) հղիության և ծննդաբերության արձակուրդում գտնվող, ինչպես նաև մինչև մեկ տարեկան երեխային խնամելու համար արձակուրդում գտնվող կնոջ ամուսնուն: Այդ արձակուրդի ընդհանուր տևողությունը չի կարող գերազանցել երկու ամիսը,
2) հաշմանդամ աշխատողին կամ ընտանիքի հիվանդ անդամին խնամող աշխատողին` բժշկական եզրակացությամբ սահմանված ժամկետներում, սակայն ոչ ավելի, քան 30 օր տարվա ընթացքում,
3) ամուսնության համար` երեք աշխատանքային օր,
4) ընտանիքի մահացած անդամի թաղման դեպքում` ոչ պակաս երեք օրից,
5) ազգային փոքրամասնություններին պատկանող անձանց՝ իրենց ազգային, կրոնական տոները կամ պատմական տարեթվերը նշելու համար` ոչ ավելի, քան տարեկան չորս օր:
Նախագծի հիմնավորման մեջ նշվում է, որ ազգային փոքրամասնություններին պատկանող անձինք իրավունք ունեն պահպանել և զարգացնել իրենց ներքին միջանձնային և միջխմբային հարաբերությունները՝ իրենց մշակույթին և ավանդույթներին բնորոշ առանձնահատկություներով:
